మిథాలీ​ లుక్​లో అదరగొడుతున్న తాప్సీ​

హీరోయిన్ తాప్సీ నటిస్తున్న 'శభాష్​​ మిథు' సినిమా ఫస్ట్​లుక్ ఈరోజు విడుదలైంది. స్టార్ క్రికెటర్ మిథాలీ రాజ్​ జీవితం ఆధారంగా తీస్తున్నారు. వచ్చే ఏడాది ఫిబ్రవరిలో ప్రేక్షకుల ముందుకు రానుందీ సినిమా.  ​

భారత స్టార్ క్రికెటర్లు ధోనీ, సచిన్ తెందుల్కర్​ల బయోపిక్​లు ఇప్పటికే వెండితెరపై సందడి చేశాయి. ఈ జాబితాలోకి మరో సినిమా వచ్చి చేరింది. అదే హీరోయిన్ తాప్సీ నటిస్తున్న 'శభాష్​ మిథు'. భారత మహిళా క్రికెటర్ మిథాలీ రాజ్​ జీవితం ఆధారంగా తీస్తున్నారు. ఈరోజు(బుధవారం) వచ్చిన ఫస్ట్​లుక్​ను తన ఇన్​స్టాలో పోస్ట్​ చేసిందీ తాప్సీ. టీమిండియా జెర్సీలో ఉన్న ఈ భామ.. బ్యాట్​తో షాట్​ కొడుతున్న స్టిల్ ఆకట్టుకుంటోంది. ఈ ఫొటోకు ఓ సందేశాన్ని జోడించింది.

మిథాలీ రాజ్​ లుక్​లో అదరగొడుతున్న తాప్సీ​

"మీకు ఇష్టమైన పురుష క్రికెటర్​ ఎవరూ అని నన్ను ఎప్పుడూ అడుగుతుంటారు కదా. ఇప్పుడు నేను మిమ్మల్ని అడుగుతున్నా మీకు ఇష్టమైన మహిళా క్రికెటర్​ ఎవరు?"

- తాప్సీ, కథానాయిక

ఈ సినిమా కథను ప్రియా వేన్ రాశారు. రాహుల్ డోలాకియా దర్శకత్వం వహిస్తున్నాడు. వయకామ్ 18 స్టూడియోస్ నిర్మిస్తున్న ఈ చిత్రం వచ్చే ఏడాది ఫిబ్రవరి 2న ప్రేక్షకుల ముందుకు రానుంది.

మహిళా క్రికెటర్ మిథాలీరాజ్.. గతేడాది సెప్టెంబరులో టీ20లకు రిటైర్మెంట్​ ప్రకటించింది. వచ్చే ఏడాది జరిగే వన్డే ప్రపంచకప్​ ఆడి, దేశానికి కప్పు తీసుకురావాలని అనుకుంటున్నట్లు ఇంతకు ముందు చెప్పింది.

ఇదీ చదవండి: గోపీచంద్​ సోదరిగా మాజీ హీరోయిన్?