తాప్సీ హిందీలోనూ, దక్షిణాది చిత్రాల్లో నటించి మెప్పించింది. ప్రస్తుతం ఈ నటి 'హసీన్ దిల్రుబా' అనే సినిమాలో నటిస్తోంది. ఈ చిత్రానికి సంబంధించిన ఫస్ట్లుక్ పోస్టర్‌ ఒకటి విడుదలై ఆకట్టుకుంటోంది.
ఈ పోస్టర్లో ఓ మహిళ తన చీరను పైకి సర్దుకొని రక్తపు మడుగులో నిల్చుని ఉంది. ఆ రక్తపు మడుగు పక్కనే ఓ పదునైన కత్తి ఉంది. మొత్తం మీద ఈ స్టిల్‌ ప్రేక్షకులను థ్రిల్‌కి గురి చేసేలా ఉంది. చిత్ర కథ రొమాంటిక్‌ క్రైమ్ థ్రిల్లర్ నేపథ్యంలో ఉంటుందని సినీ వర్గాలు చెప్పుకుంటున్నాయి. ఎరోస్‌ ఇంటర్నేషనల్, కలర్‌ ఎల్లో ప్రొడక్షన్స్‌ సంయుక్తంగా నిర్మిస్తోన్న ఈ మూవీకి వినిల్‌ మాథ్యూ దర్శకత్వం వహిస్తున్నాడు.