కథానాయిక తాప్సీ టీ స్పెషలిస్ట్గా మారిందా.. అనే సందేహంలో ఉన్నారా? అది నిజంగా కాదులెండి. నటనలో భాగంగా ఓ మంచి టీ సిద్ధం చేసింది తాప్సీ. అనుభవ్‌ సిన్హా దర్శకత్వంలో 'తప్పడ్' అనే చిత్రంలో నటించిందీ భామ. ఇందులో అమృత అనే గృహిణి పాత్ర పోషించింది. ఈ నెల 28న ఈ సినిమా ప్రేక్షకుల ముందుకు రానున్న సందర్భంగా సామాజిక మాధ్యమాల్లో ఓ ఫొటోను పంచుకుంది. ఇందులో గులాబి రంగు దుస్తుల్లో దర్శనమిచ్చింది తాప్సీ. ఫ్లాస్క్, గ్లాస్, పంచదార గిన్నె ఉన్న ఓ ట్రే పట్టుకుని గృహిణి పాత్రలో చక్కగా ఒదిగిపోయింది. ఒక్క పోస్టర్‌తో అందరి దృష్టిని ఆకర్షిస్తోంది. దీంతో పాటు 'తప్పడ్' రెండో ట్రైలర్‌ను సామాజిక మాధ్యమాల్లో షేర్‌ చేసి సినిమాపై ఆసక్తి పెంచింది చిత్రబృందం. ఇప్పటికే విడుదలైన ట్రైలర్‌-1 అంచనాలు పెంచుతుంది. భార్యాభర్తల అనుబంధాల నేపథ్యంలో ఈ చిత్రం రూపొందింది.
టీ స్పెషలిస్ట్గా మారిన తాప్సీ..! - తాప్సీ తప్పడ్ సినిమా
తాప్సీ.. అందం, అభినయంతో ఆకట్టుకోవడమే కాదు.. టీ చేసి మంత్రముగ్ధుల్ని చేస్తోంది. తాప్సీ టీ చేయడం ఏంటీ అనుకుంటున్నారా? వ్యక్తిగతంగా కాదులెండి. తన కొత్త సినిమా కోసం మంచి టీ సిద్ధం చేసిందీ ముద్దుగుమ్మ.
టీ స్పెషలిస్ట్గా మారిన తాప్సీ..!
'రష్మి రాకెట్' అనే మరో సినిమాలోనూ తాప్సీ నటిస్తోంది. ఇందులో ఆమె గుజరాత్‌కు చెందిన ఫాస్ట్ రన్నర్ రష్మి పాత్రలో కనిపించనుంది. ఆగస్టు 15న ప్రేక్షకుల ముందుకు రానుందీ సినిమా.
ఇదీ చదవండి:రమ్యకృష్ణ 'కేజీఎఫ్ 2'ను తిరస్కరించిందా..!
Last Updated : Mar 1, 2020, 2:51 AM IST