నా మరో బిడ్డతో నటించడానికి ఎప్పుడూ రెడీ: చిరు

సైరా చిత్రబృందం హైదరాబాద్​లో విలేకర్ల సమావేశం నిర్వహించింది. ఈ సందర్భంగా భవిష్యత్తులో పవన్​కల్యాణ్​తో నటిస్తారా అన్న ప్రశ్నకు.. మంచి కథ దొరికితే తప్పకుండా చేస్తానని చెప్పాడు చిరంజీవి.

మెగాస్టార్ చిరంజీవి ప్రతిష్టాత్మక చిత్రం సైరా నరసింహారెడ్డి. అక్టోబరు 2న ప్రేక్షకుల ముందుకు వచ్చిన ఈ సినిమా దిగ్విజయంగా ప్రదర్శితమవుతోంది. సురేందర్ రెడ్డి దర్శకత్వం వహించాడు. సోమవారం చిత్రబృందం మీడియాతో మాట్లాడింది.

ఈ సందర్భంగా విలేకర్లు అడిగిన ప్రశ్నకు సమాధానామిచ్చింది చిత్రబృందం. పవన్​కల్యాణ్​​తో మీ కాంబినేషన్​ చూడొచ్చా అని ఈటీవీ విలేకరి అడిగిన ప్రశ్నకు.. కథ అనుకూలిస్తే సాధ్యమవుతుందని బదులిచ్చాడు చిరు.

"నా బిడ్డతో చేయడం ఎంత హ్యాపీ ఉంటుందో, నా తమ్ముడితో నటించడం కూడా అంతే ఆనందాన్ని ఇస్తుంది.ఎవరైనా మంచి కథతో వస్తే కల్యాణ్​తో కలిసి పనిచేయడానికి నేనూ, చరణ్ రెడీ" - చిరంజీవి

నయనతార, తమన్నా కథానాయికలుగా నటించిన ఈ సినిమాలో విజయ్​సేతుపతి, కిచ్చా సుదీప్, జగపతిబాబు కీలకపాత్రల్లో కనిపంచారు. బాలీవుడ్ దిగ్గజం అమితాబ్​ బచ్చన్ ప్రత్యేక పాత్రలో మెప్పించాడు.

ఇదీ చదవండి: 'నా కళ్లలోకి చూడాలంటే గంభీర్​కు భయం'