మెగాస్టార్ చిరంజీవి నటించిన చిత్రం 'సైరా నరసింహారెడ్డి' వసూళ్ల పరంగా దూసుకెళ్తోంది. అమెరికాలో అత్యధిక వసూళ్లు రాబట్టిన చిరు సినిమాగా రికార్డు సృష్టించింది. అక్కడ 2.5 మిలియన్ డాలర్లు(రూ. 17కోట్లకు పైగా) కలెక్షన్లు సాధించినట్లు సినీవిశ్లేషకుల అంచనా. విడుదలైన 12 రోజుల్లో మొత్తం రూ. 230 కోట్లు వసూలు చేసినట్లు సమాచారం.
స్వాతంత్ర్య సమరయోధుడు ఉయ్యాలవాడ నరసింహారెడ్డి జీవితం ఆధారంగా 'సైరా' తెరకెక్కింది. సురేందర్ రెడ్డి దర్శకత్వం వహించాడు. నయనతార, తమన్నా కథానాయికలు. అమితాబ్ బచ్చన్, విజయ్ సేతుపతి, సుదీప్, జగపతి బాబు తదితరులు కీలక పాత్రల్లో నటించారు.