సుస్మిత, హేమకు ఛాంపియన్స్​ ఆఫ్​ ఛేంజ్​ అవార్డు

జాతీయ పురస్కారమైన ఛాంపియన్స్​ ఆఫ్​ ఛేంజ్​ పురస్కారానికి తాము ఎంపికవ్వడం ఎంతో ఆనందంగా ఉందని అంటున్నారు బాలీవుడ్​ తారలు హేమా మాలిని, సుస్మితా సేన్​. మహిళా సాధికారత, సాంఘిక సంక్షేమానికి వీరిద్దరూ చేసిన కృషికి ఈ పురస్కారాన్ని దక్కించుకున్నట్లు సోషల్​మీడియాలో వెల్లడించారు.

ప్రతిష్ఠాత్మక జాతీయ పురస్కారమైన ఛాంపియన్స్​ ఆఫ్​ ఛేంజ్​ అవార్డుకు బాలీవుడ్​ తారలు హేమా మాలిని, సుస్మితా సేన్ ఎంపికయ్యారు​. మహిళా సాధికారత, సాంఘిక సంక్షేమానికి చేసిన కృషికి గానూ సుస్మితను ఎంపిక చేశారు. ఈ విషయాన్ని ఇన్​స్టాగ్రామ్ లైవ్​ సెషన్​లో తన అభిమానులతో పంచుకుందీ మాజీ మిస్​ యూనివర్స్​.

మరోవైపు హేమామాలిని ట్విట్టర్​లో తన అభిమానులతో ముచ్చటిస్తూ.. ఈ ప్రతిష్ఠాత్మక ఛాంపియన్స్​ ఆఫ్​ ఛేంజ్​ అవార్డు-2021 గ్రహీతల్లో తాను ఒకరినని చెప్పుకొచ్చింది. నటిగా, క్లాసికల్​ డాన్సర్​గా.. మధుర నియోజకవర్గంలో ఎంపీగా తాను చేసిన కృషికి ఈ పురస్కారం ప్రదానం చేశారని ఆమె తెలిపింది.

ఛాంపియన్స్ ఆఫ్​ ఛేంజ్​ అవార్డును గాంధేయ విలువలు లేదా సమాజ సేవ లేదా సామాజిక అభివృద్ధిని ప్రోత్సహించిన వారికి ప్రదానం చేస్తారు.

ఇదీ చూడండి:అతడిని మరో సుశాంత్​ కానివ్వకండి: కంగన