అలరిస్తోన్న 'సూరారై పొట్రు' డిలిటెడ్ సీన్

సూర్య, అపర్ణ బాలమురళి హీరోహీరోయిన్లుగా నటించిన చిత్రం 'సూరారై పొట్రు'. నేటికి విడుదలై 100 రోజులు పూర్తి చేసుకున్న సందర్భంగా ఈ చిత్రంలోని డిలిటెడ్ సీన్​ను రిలీజ్ చేసింది చిత్రబృందం.

తెలుగు తెరపై జీవిత కథలు కొత్తేం కాదు. కానీ ప్రజలు మెచ్చిన ఓ వ్యాపారవేత్త జీవితం సినిమాగా వస్తే ఆసక్తికరమే. అలాంటి ప్రయత్నమే సూర్య హీరోగా నటించిన 'సూరారై పొట్రు'. నేరుగా ఓటీటీలో విడుదలైన ఈ సినిమా మంచి టాక్​ తెచ్చుకుంది. సుధా కొంగర దర్శకత్వం, సూర్య, అపర్ణ బాలమురళి నటన ప్రేక్షకుల్ని కట్టిపడేశాయి. తాజాగా ఈ సినిమా వంద రోజులు పూర్తి చేసుకున్న సందర్భంగా చిత్రంలోని ఓ డిలిటెడ్​ సీన్​ను రిలీజ్ చేసింది చిత్రబృందం. ఈ వీడియో ఆకట్టుకునేలా ఉంది.

ఎయిర్‌ దక్కన్‌ సంస్థను స్థాపించి అందరికీ తక్కువ ధరకే విమాన ప్రయాణ సౌకర్యం అందించిన కెప్టెన్‌ గోపీనాథ్‌ జీవితంలోని అంశాల ఆధారంగా ఈ సినిమా రూపొందించారు. 'సింప్లీ ఫ్లై' అనే పుస్తకాన్ని ఆధారంగా తీసుకున్నారు. గోపీనాథ్‌ జీవితం ఎంత ఆసక్తికరమో, ఆ పాత్రలో సూర్య కనిపించడం ఇంకా ఆసక్తికరం. సినిమా కోసం సూర్యలో కనిపించిన మేకోవర్‌ ఆసక్తిని రెట్టింపు చేసింది.