'అసురన్' దర్శకుడితో సూర్య చిత్రంపై క్లారిటీ

తమిళ అగ్రహీరో సూర్య 40వ చిత్రంపై క్లారిటీ వచ్చేసింది. 'అసురన్​'తో ఘన విజయాన్ని ఖాతాలో వేసుకున్న వెట్రిమారన్​తో ఓ సినిమా చేయనున్నాడు సూర్య.

ధనుష్‌ కథానాయకుడిగా 'అసురన్‌' చిత్రం తెరకెక్కించి అందరి దృష్టిని తనవైపు తిప్పుకున్న దర్శకుడు వెట్రిమారన్‌. ఈ సినిమా విజయంతో అతడి తర్వాతి ప్రాజెక్టుపై సినీ అభిమానులందరిలో ఆసక్తి పెరిగింది. ఈ నేపథ్యంలో ఎందరో అగ్ర కథానాయకుల పేర్లు వినిపించాయి. అయితే ఈ దర్శకుడు నటుడు సూర్యతో చేయబోతున్నాడన్న వార్తపై క్లారిటీ వచ్చేసింది.

ప్రస్తుతం సూర్య 'ఆకాశం నీ హద్దురా' అనే చిత్రంలో నటిస్తున్నాడు. ఇది సెట్స్‌పై ఉండగానే సూర్య 40వ చిత్రం వెట్రిమారన్‌తో చేస్తున్నాడని ప్రకటించారు నిర్మాత కలైపులి ఎస్.థాను. త్వరలోనే ఈ సినిమాకు సంబంధించిన మరిన్ని వివరాలు తెలియనున్నాయి.

ఇవీ చూడండి.. పాయల్‌, రాశి గొడవ నవ్విస్తుంది.. ఎందుకు కట్‌ చేశారో!