Surya New Movie: తమిళ కథానాయకుడు సూర్య, దర్శకురాలు సుధా కొంగర కాంబినేషన్‌కు సినీప్రియుల్లో మంచి క్రేజ్‌ ఉంది. ఈ ఇద్దరి నుంచి వచ్చిన 'ఆకాశమే నీ హద్దురా' చిత్రం ఓటీటీ వేదికగా విడుదలై మంచి ఆదరణ దక్కించుకుంది. ఇప్పుడీ హిట్‌ కలయికలో మరో సినిమా పట్టాలెక్కనున్నట్లు సమాచారం.
ఈ ప్రాజెక్ట్‌ కోసం సుధా ఓ విభిన్నమైన గ్యాంగ్‌స్టర్‌ కథాంశాన్ని సిద్ధం చేసినట్లు తెలిసింది. ఈ కథాంశానికి తగ్గట్లుగా ఇందులో సూర్యని ఓ శక్తిమంతమైన గ్యాంగ్స్టర్గా చూపించనున్నట్లు ప్రచారం వినిపిస్తోంది. ఇప్పటికే కథా చర్చలు పూర్తయ్యాయని.. స్క్రిప్ట్‌ ఆసక్తికరంగా ఉండటంతో సూర్య సినిమాకి ఓకే చెప్పారని వార్తలొస్తున్నాయి. 'వాడి వాసల్‌' సినిమా పూర్తయిన వెంటనే ఈ చిత్రం సెట్స్‌పైకి వెళ్లనున్నట్లు తెలుస్తోంది.