కోలీవుడ్ స్టార్ హీరో సూర్య నటిస్తోన్న కొత్త చిత్రం 'జై భీమ్'. ఇటీవలే ఈ సినిమాకు సంబంధించిన టైటిల్, ఫస్ట్లుక్ రిలీజ్ చేయగా మంచి స్పందన వచ్చింది. అయితే తాజాగా చిత్రబృందం అనూహ్య నిర్ణయం తీసుకుంది. ఈ మూవీని ఓటీటీలో విడుదల చేస్తున్నట్లు వెల్లడించింది. నవంబర్లో అమెజాన్ ప్రైమ్ వేదికగా రిలీజ్ చేస్తామని వెల్లడించింది.
సామాజిక, రాజకీయ అంశాలతో ఈ సినిమాను తెరకెక్కిస్తున్నారు. టీజే జ్ఞానవేల్ దర్శకత్వం వహిస్తున్నారు. రజీషా విజయన్ హీరోయిన్గా నటిస్తుండగా, ప్రకాష్ రాజ్ కీలకపాత్రలో కనిపించనున్నారు. సూర్య స్వీయ నిర్మాణ సంస్థ 2డీ ఎంటర్‌టైన్‌మెంట్ కింద ఈ చిత్రాన్ని నిర్మిస్తున్నారు.