పవర్స్టార్ పవన్కల్యాణ్ రీఎంట్రీ చిత్రం 'పింక్' రీమేక్ కోసం సినీ ప్రియులంతా ఎంతో ఆసక్తిగా ఎదురుచూస్తున్నారు. తాజాగా ఈ సినిమాకు సంబంధించిన ఓ శుభవార్తను ట్విట్టర్‌ వేదికగా అభిమానులతో పంచుకున్నాడు తమన్. త్వరలోనే 'పింక్' రీమేక్ నుంచి తొలి పాట వినిపించబోతున్నట్లు హింట్‌ ఇచ్చాడు.
"ఏ వ్యక్తి చిత్రానికైతే స్వరాలు సమకూర్చాలని కలలు కన్నానో.. ఇప్పుడు అతడి కోసమే పాటలు సిద్ధం చేస్తున్నాను. ఎంతో శ్రమతో, శ్రద్ధగా చేస్తున్నాను. త్వరలోనే తొలి పాట వినిపించబోతున్నా"
- తమన్, సంగీత దర్శకుడు
ఇటీవలే సింగర్ సిద్‌ శ్రీరామ్‌ ఈ చిత్రంలోని ఒక పాటను ఆలపించాడు. విడుదల చేయబోయే ఆ తొలి గీతం అతడిదేనని సంకేతాలు అందుతున్నాయి. దీనిపై త్వరలోనే అధికారిక ప్రకటన రానుంది. ఈ చిత్రం కోసం 'వకీల్‌సాబ్‌' అనే టైటిల్‌ను పరిశీలిస్తోంది చిత్రబృందం. ఉగాది కానుకగా ఫస్ట్‌లుక్‌ను, మే 15న చిత్రాన్ని విడుదల చేసేందుకు సన్నాహాలు చేస్తున్నారు. వేణు శ్రీరామ్‌ దర్శకత్వంలో దిల్‌రాజు ఈ సినిమాను నిర్మిస్తున్నాడు.
ఇదీ చూడండి.. దివ్యభారతి మరణం ఇప్పటికీ అనుమానాస్పదమే!