తమిళ స్టార్ హీరో సూర్య నటించిన 'సూరరై పోట్రు' అరుదైన ఘనత సాధించింది. ప్రముఖ మూవీ రేటింగ్ సంస్థ ఐఎమ్డీబీ సినిమాల జాబితాలో మూడో స్థానంలో నిలిచింది. ప్రస్తుతం ఈ విషయమై సూర్య అభిమానులు ఆనందం వ్యక్తం చేస్తూ, సోషల్ మీడియాలో ట్రెండింగ్ చేస్తున్నారు.
సూర్య సినిమా రికార్డు.. టాప్-3లో చోటు
గతేడాది ఓటీటీ వేదికగా వచ్చిన సూర్య 'సూరరై పోట్రు'.. ఐఎమ్డీబీ అత్యంత ప్రజాదరణ పొందిన సినిమాల జాబితాలో మూడో స్థానంలో నిలిచింది.
సూర్య
ఎయిర్ డెక్కన్ చీఫ్ జీఆర్ గోపీనాథ్ బయోపిక్ 'సూరరై పోట్రు'. తెలుగులో 'ఆకాశం నీ హద్దురా!' పేరుతో వచ్చింది. రూపాయికే విమానప్రయాణాన్ని అందించిన ఓ సామాన్య వ్యక్తి కథే ఈ సినిమా. గతేడాది అమెజాన్ ప్రైమ్ వేదికగా విడుదలైన ఈ సినిమా.. మన దేశం నుంచి ఆస్కార్ బరిలోనూ నిలిచింది. కానీ తుది జాబితాకు అర్హత సాధించలేకపోయింది.