Suriya ET movie: 'ఈటీ' మూవీ ట్విట్టర్​ రివ్యూ.. ఎలా ఉందంటే?

Suriya ET movie twitter review: కోలీవుడ్​ స్టార్​ హీరో సూర్య నటించిన కొత్త చిత్రం 'ఈటీ' నేడు థియేటర్లలో విడుదలైంది. ఈ సినిమా గురించి ఫ్యాన్స్​ సోషల్​మీడియా ద్వారా రివ్యూలు ఇస్తున్నారు. వాటిని చూసేద్దాం..

Suriya ET movie twitter review: ఇటీవలే ఓటీటీ వేదికగా 'సూరరైపోట్రు', 'జైభీమ్'​ చిత్రాలతో విజయాన్ని అందుకున్న తమిళ స్టార్​ హీరో సూర్య.. మరో హిట్​ను ఖాతాలో వేసుకున్నారు. దాదాపు రెండున్నరేళ్ల తర్వాత 'ఈటీ' సినిమాతో థియేటర్లో సందడి చేశారు. పాండిరాజ్​ దర్శకత్వంలో నేడు విడుదలైన ఈ చిత్రం సోషల్​మీడియాలో హిట్​టాక్​తో దూసుకెళ్తోంది. ఈ చిత్రం చూసిన అభిమానులు మూవీ అదిరిపోయిందని ఈలలు వేస్తున్నారు. మహిళలకు ఎలా భరోసా, భద్రతను కల్పించాలో ఈ సినిమా ద్వారా దర్శకుడు అద్భుతంగా చూపించారని చెప్తున్నారు. స్త్రీల సమస్యలపై పోరాడేే పాత్రలో కన్నభిరన్​గా సూర్య నటన కేక పుట్టిస్తోందని అంటున్నారు. ఫస్టాఫ్​ మాస్​ జాతర, సెకండాఫ్​ డీసెంట్​గా సాగుతోందని, మొత్తంగా సినిమా కచ్చితంగా బ్లాక్​ బస్టర్​ అని తమ అభిప్రాయాన్ని వ్యక్తం చేస్తున్నారు. ఇంటర్వెల్​ సీన్ పూనకాలు తెప్పిస్తుందట!​ థియేటర్ల ముందు బాణాసంచా కాలుస్తూ ఫ్యాన్స్​ సంబరాలు చేసుకుంటున్నారు. 'కోటు వేసుకునే జడ్జి వేరే.. పంచె ఎగ్గడితే నేనేరా జడ్జిని', 'అమ్మాయిలు అంటే బలహీనులు అనుకుంటారు. బలవంతులు అని నిరూపించాలి' వంటి డైలాగ్​లు అదిరిపోయాయని వారు పేర్కొంటున్నారు.

కాగా, ఈ చిత్రంలో సూర్యకు జోడీగా ప్రియాంక అరుళ్‌ మోహన్‌ నటించింది. వినయ్‌రామ్‌, సత్యరాజ్‌, జయప్రకాశ్‌ కీలక పాత్రలు పోషించారు. డి.ఇమ్మాన్‌ స్వరాలందించారు.

ఇదీ చూడండి: 'అఖండ​' 100 డేస్ ఫంక్షన్​.. 'ఆర్​ఆర్​ఆర్​' ఐమ్యాక్స్ వెర్షన్​