తమిళ కథానాయకుడు సూర్య మరోసారి వేదికపై కన్నీళ్లు పెట్టుకున్నాడు. ఆర్థిక సమస్యలతో సతమతమవుతున్న చిన్నారులను చదివించేందుకు ఆయన 'అగరం' ఫౌండేషన్ నిర్వహిస్తున్న విషయం తెలిసిందే. ఆ సంస్థ పదో వార్షికోత్సవం తాజాగా చెన్నైలో జరిగింది. దీనికి సూర్య, ఆయన తండ్రి శివకుమార్‌తోపాటు సోదరుడు కార్తి కూడా హాజరయ్యారు. ఫౌండేషన్ కోసం శ్రమిస్తున్న జయశ్రీ, ఆమె కుటుంబం గురించి ఈ సందర్భంగా మాట్లాడారు. ఈ క్రమంలో సూర్య ఒక్కసారిగా భావోద్వేగానికి గురయ్యాడు. ఉద్వేగం తట్టుకోలేక కన్నీటి పర్యంతమయ్యాడు.
చిన్నారుల ఆవేదన విని సూర్య కన్నీళ్లు
పేద విద్యార్థులను చదివించడమే లక్ష్యంతో 'అగరం' ఫౌండేషన్ను తమిళ నటుడు సూర్య ఏర్పాటుచేశాడు. ఈ సంస్థతో పేద కుటుంబాలకు అండగా నిలుస్తున్నాడు. తాజాగా సంస్థ 10వ వార్షికోత్సవ వేడుకలో పేద విద్యార్థుల బాధను విని కన్నీటి పర్యంతమయ్యాడు.
వేదికపై కన్నీటి పర్యంతమైన సూర్య
సూర్య మాట్లాడుతూ.. తాను భవిష్యత్తులో మరిన్ని ఎక్కువ చిత్రాల్లో నటిస్తానని.. అలా వచ్చిన డబ్బుతో చిన్నారులకు మంచి చదువును అందించడానికి సాయం చేస్తానన్నాడు. ఇటీవలే ఫౌండేషన్‌లో జరిగిన ఓ కార్యక్రమంలో.. ఓ పేద విద్యార్థిని తాను ఎదుర్కొన్న కష్టాలను వివరిస్తుండగా.. సూర్య కంట తడి పెట్టుకున్న విషయం తెలిసిందే.
ఇదీ చూడండి.. అల్లు అర్జున్ రెమ్యునరేషన్ వంద కోట్లు..!
Last Updated : Feb 28, 2020, 4:47 AM IST