Keerthy suresh news: ప్రముఖ హీరోయిన్ కీర్తి సురేశ్కు అదృష్టం కలిసి రావడం లేదు. 'మహానటి' తర్వాత ఆమెకు వరుసగా ఎదురుదెబ్బలు తగులుతూనే ఉన్నాయి. గత రెండేళ్ల కాలంలో కీర్తి నటించిన అర డజనుకు పైగా సినిమాలు బాక్సాఫీసు దగ్గర ప్రేక్షకులకు నిరాశనే మిగిల్చాయి!
2020 మార్చి చివరి వారంలో కరోనా వచ్చింది. ఆ వెంటనే దేశవ్యాప్తంగా థియేటర్లు మూతపడ్డాయి. ఆ తర్వాత మూడు నెలలకు అంటే, జూన్ 19న కీర్తి సురేశ్ ప్రధాన పాత్రలో నటించిన హీరోయిన్ ఓరియెంటెడ్ థ్రిల్లర్ 'పెంగ్విన్'.. అమెజాన్ ప్రైమ్లో రిలీజైంది. కానీ అంతగా ఆకట్టుకోలేకపోయింది.
అనంతరం కొవిడ్ సెకండ్ వేవ్ టైమ్లో అంటే నవంబరు 4న కీర్తి ప్రధాన పాత్రలో నటించిన మరో సినిమా 'మిస్ ఇండియా' సినిమా ప్రేక్షకుల ముందుకొచ్చింది. నెట్ఫ్లిక్స్లో నేరుగా రిలీజైన ఈ చిత్రం కూడా నిరాశపరిచింది.
Keerthy goodluck sakhi: ప్రస్తుతం థర్డ్ వేవ్లో 'గుడ్లక్ సఖి' అంటూ వచ్చిన కీర్తి సురేశ్.. మరోసారి నిరాశపరిచింది! ఈ సినిమాలో హీరోయిన్కు ఉన్నట్లే కీర్తి సురేశ్ను కూడా బ్యాడ్లక్ వెంటాడింది.