సూపర్​స్టార్​ సినిమాలో విజయ్ దేవరకొండ?

సూపర్​స్టార్ మహేశ్​బాబు తర్వాతి సినిమాలో హీరో విజయ్ దేవరకొండ కనిపించనున్నాడనే వార్త.. ప్రస్తుతం సోషల్ మీడియాలో వైరల్​గా మారింది. ఇది నిజమా? కాదా? తెలియాలంటే మరికొద్ది రోజులు వేచి చూడాల్సిందే. ​

ఈ సంక్రాంతికి 'సరిలేరు నీకెవ్వరు' అంటూ అభిమానుల్ని పలకరించాడు సూపర్​స్టార్ మహేశ్​బాబు. బాక్సాఫీస్​ వద్ద చక్కటి వసూళ్లు రాబడుతోందీ చిత్రం. ఇదే జోష్​లో తన తర్వాతి సినిమాను ఇప్పటికే ప్రకటించేశాడు. తనతో 'మహర్షి' వంటి హిట్​ తీసిన వంశీ పైడిపల్లి దర్శకత్వంలో నటించనున్నాడు. అయితే ఇందులో రౌడీ హీరో విజయ్ దేవరకొండ కనిపించనున్నాడనే వార్త ఆసక్తి కలిగిస్తోంది.

మరికొద్ది రోజుల్లో సెట్స్​పైకి వెళ్లనుందీ సినిమా. సూపర్​స్టార్ మహేశ్​ స్పైగా కనిపించనున్నాడని సమాచరం. ఇందులో విజయ్.. ఈ హీరోతో కలిసి తెర పంచుకోబోతున్నాడు. అలాగని ఇదేం మల్టీస్టారర్ కాదు. రౌడీ హీరో ఉండేది కొద్ది నిమిషాలు మాత్రమే. అయినా ఆ పాత్ర ప్రధానాకర్షణగా నిలవనుందట. మరి ఇందులో నిజమెంతో తెలియాలంటే మరికొద్ది రోజులు ఆగక తప్పదు.

దర్శకుడు వంశీ పైడిపల్లితో సూపర్​స్టార్ మహేశ్​బాబు