విజయ్ సేతుపతి, సమంత 'సూపర్​ డీలక్స్' తెలుగులో

వినూత్న కథాంశంతో రూపొందిన 'సూపర్​ డీలక్స్' సినిమా తెలుగు హక్కుల్ని సిద్ధేశ్వర్ వైష్ణవి ఫిల్మ్స్ సొంతం చేసుకుంది. అయితే తిరిగి తెరకెక్కిస్తారా, డబ్బింగ్ చేస్తారా అనేది తెలియాలంటే కొంతకాలం ఎదురుచూడాల్సిందే.

విజయ్ సేతుపతి ట్రాన్స్​ జెండర్​ పాత్రలో కనిపించిన 'సూపర్​ డీలక్స్'.. మన దగ్గర కూడా సందడి చేసేందుకు సిద్ధమవుతోంది. తెలుగు హక్కుల్ని సిద్ధేశ్వర వైష్ణవి ఫిల్మ్స్​ సొంతం చేసుకుంది. ఏప్రిల్​లో తెలుగు వెర్షన్​ ప్రేక్షకుల ముందుకొచ్చే అవకాశముంది.

సమంత ఫహద్ ఫాజిల్

ఈ సినిమాలో విజయ్​తో పాటు సమంత, రమ్యకృష్ణ, ఫహద్ ఫాజిల్​ తదితరులు కీలక పాత్రలు పోషించారు. నాలుగు కథల సమాహారంగా తెరకెక్కిన ఈ చిత్రానికి ప్రేక్షకుల నుంచి విశేష స్పందన లభించింది. త్యాగరాజన్ కుమార్​రాజా దర్శకత్వం వహించారు. మరి ఇక్కడ ఎంతలా మెప్పిస్తుందో చూడాలి?