బాలీవుడ్ నటి సన్ని లియోనీ, కోల్కతాలోని ఓ ఇంటర్ కాలేజ్ టాపర్గా నిలిచింది. ఆ జాబితాను కళాశాల యాజమాన్యం పోస్ట్ చేయగా, దానికి ఈ భామ కూడా స్పందించింది. "వచ్చే సెమిస్టర్లో మీ అందరిని కలుస్తా, మీరు కూడా నా క్లాస్లో ఉంటారని అనుకుంటున్నాను" అని ట్వీట్ చేసింది.
అసలేం జరిగింది?
కోల్కతాలోని అషుతోష్ కాలేజీ ప్రకటించిన 12వ తరగతి పరీక్షల మెరిట్ జాబితాలో సన్ని లియోనీ పేరు తొలి స్థానంలో కనిపించింది. నాలుగు సబ్జెక్టుల్లోనూ నూటి నూరు మార్కులు ఈమెకు వచ్చినట్లు ఇందులో చూపించారు. దీంతో అందరూ అవాక్కయ్యారు. చివరకు ఆమె కూడా ట్విట్టర్లో స్పందించింది.
అయితే ఇది ఎవరో ఆకతాయుల చేసిన పని అని చెప్పిన అషుతోష్ కాలేజీ యాజమాన్యం.. సత్వరమే విచారణ చేపట్టి, చర్యలు తీసుకుంటామని తెలిపింది.