తొమ్మిదేళ్ల క్రితం హిందీ రియాల్టీ షో అయిన బిగ్‌బాస్‌లో పాల్గొని ఆకట్టుకున్న సన్నీ లియోనీ.. అదే ఏడాదిలో 'జిస్మ్ 2' సినిమాలో నటించి కుర్రకారుకు గిలిగింతలు పెట్టింది. ఆ తర్వాత ఎన్నో బాలీవుడ్, దక్షిణాది సినిమాల్లో నటించి ప్రేక్షకులను అలరించింది.
ఇటీవలే ఓ ఇంటర్వ్యూలో ఆమె మాట్లాడుతూ.."ఇప్పటివరకు సాగిన నా సినీ ప్రయాణం చాలా అద్భుతంగా ఉంది. నేను నాకలలను కొనసాగించడానికి ఇదే సరైన ప్రదేశం అని భావిస్తున్నా. అందుకే నేను ఇక్కడే ఉండిపోవాలనుకుంటున్నా. ఇక్కడే ఉండేందుకు ఎంతో సమయాన్ని కేటాయించాను. మరెన్నో విషయాలు తెలుసుకునేందుకు ఎదరుచూస్తున్నాను. ప్రస్తుతం 'ఎమ్‌టీవీ స్పిల్ట్స్ విల్లా' షోలో బిజీగా ఉన్నా" అని తెలిపారు.