కథానాయకుడిగా, నిర్మాతగా ఈ ఏడాది సందీప్ కిషన్ మంచి విజయాలు అందుకున్నాడు. ఈ హీరో నిర్మాతగా పరిచయమైన చిత్రం 'నిను వీడని నీడను నేనే'. నిర్మాతలకు లాభాలు తీసుకొచ్చిన ఆ సినిమా, కథానాయకుడిగా సందీప్ కిషన్‌కు మంచి విజయం అందించింది. అలాగే, 'తెనాలి రామకృష్ణ'తో కమర్షియల్ విజయాన్ని ఖాతాలో వేసుకున్నాడు కిషన్. ఈ సంతోష సమయంలో తల్లిదండ్రులకు బెంజ్ జిఎల్ఈ 350డి కారును బహుమతిగా ఇచ్చాడు.
సందీప్ కిషన్ నటుడు, నిర్మాత మాత్రమే కాదు. మంచి వ్యాపారవేత్త కూడా. జంట నగరాలు హైదరాబాద్, సికింద్రాబాద్లో 'వివాహ భోజనంబు' పేరుతో ఈ హీరోకు పలు రెస్టారెంట్లు ఉన్నాయి. విజయవంతంగా రెస్టారెంట్ నిర్వహిస్తున్న అతడు, కొత్తగా మరో వ్యాపారంలోకి అడుగుపెట్టాడు. ఆంధ్రప్రదేశ్ రాజధాని అమరావతిలో త్వరలో ఒక సెలూన్ను ప్రారంభించనున్నాడు.