యాంకర్ సుమ పేరు వినగానే మనకు ముందుగా గుర్తోచ్చేది వాక్చాతుర్యం. ఆమెను తెలుగు హీరోల అభిమానులంతా మెచ్చుకుంటుంటారు. ఎవరిని నొప్పించని మనస్తత్వం సుమది. అచ్చమైన తెలుగు కావాలంటే సుమ యాంకరింగ్‌ చూడాల్సిందే!
తాజాగా సుమ తన భర్త రాజీవ్ కనకాలతో కలిసున్న ఓ ఫొటోను తన ట్విట్టర్లో షేర్ చేసింది. అంతేకాదు ఆ చిత్రానికి 'మై డియర్‌ రాజా.. ఎప్పటికీ నా సంతోషం నీవే' అంటూ భర్తపై ప్రేమను ఇలా తెలిపింది. ఫొటోలో రాజీవ్ భుజాలపై వాలి, కనులు మూసుకుని భర్త చేయి పట్టుకుని తన్మయత్వంతో ఉంది సుమ. ప్రస్తుతం ఈ ఫొటో సామాజిక మాధ్యమాల్లో హల్‌చల్‌ చేస్తోంది.