దర్శకుడు సుకుమార్ దాతృత్వం.. ఏమిచ్చారంటే?

మంచి మనసు చాటుకున్న దర్శకుడు సుకుమార్.. ఆంధ్రప్రదేశ్​లోని ఓ పాఠశాలలో రెండంతస్థుల భవన నిర్మాణానికి మాటిచ్చారు.

దర్శకుడు సుకుమార్ మంచి మనసు చాటుకున్నారు. ఆంధ్రప్రదేశ్​ పశ్చిమ గోదావరిలోని మట్టపర్రు గ్రామంలో తన తండ్రి తిరుపతి రావు నాయుడు పేరు మీద రెండంతస్థుల పాఠశాల భవనం నిర్మాణానికి ముందుకొచ్చారు. దీనిని సుమారు రూ.14 లక్షల ఖర్చుతో కట్టనున్నారు.

ఈ దర్శకుడు అల్లు అర్జున్​తో ప్రస్తుతం 'పుష్ప' సినిమా తీస్తున్నారు. ఇప్పటికే కొంతమేర చిత్రీకరణ జరుపుకుంది. కరోన ప్రభావంతో మధ్యలో నిలిచిపోయింది. పరిస్థితులు చక్కదిద్దుకున్న తర్వాత తిరిగి ప్రారంభించే అవకాశముంది.

'పుష్ప' సినిమాలో అల్లు అర్జున్