సుకుమార్​ రైటింగ్స్​ నుంచి మరో మూవీ.. హీరోగా నిఖిల్​

సుకుమార్ కలం నుంచి మరో సినిమా తెరకెక్కనుంది. ఈ సినిమాకు సుకుమార్​ అసిస్టెంట్​ డైరెక్టర్​ పల్నాటి సూర్యప్రతాప్​ దర్శకత్వం వహిస్తున్నాడు. ఈ చిత్రంలో హీరో నిఖిల్ నటిస్తున్నట్లు తెలిపింది చిత్రబృందం.

సుకుమార్ దర్శకత్వంలో వచ్చే సినిమాలు ఎంతో కొత్తగా, క్రియేటివ్​గా ఉంటాయి. ప్రస్తుతం ఈయన కలం నుంచి మరో సినిమా రాబోతోంది. ఇటీవలే చిన్న చిత్రాలకు ప్రోత్సాహం అందించాలనే ఉద్దేశంతో సుకుమార్‌ రైటింగ్స్‌ అనే సంస్థను స్థాపించాడు. అందులోనే తను కథకు సహకారం అందిస్తూ, తన వద్ద అసిస్టెంట్​ డైరెక్టర్లుగా ఉన్న వారికి అవకాశం కల్పిస్తున్నాడు సుకుమార్​. 'కుమారి 21 ఎఫ్'​, 'దర్శకుడు' వంటి సినిమాలు ఇలా వచ్చినవే. ఇప్పుడు మరో చిత్రానికి కథ అందించాడు సుకుమార్​.

'అర్జున్​ సురవం'తో మంచి హిట్టందుకున్న నిఖిల్​.. ఈ సినిమాలోకథానాయకుడుగాకనిపించబోతున్నాడు. తాజాగా అందుకు సంబంధించిన అధికారిక ప్రకటన వెలువడింది. పల్నాటి సూర్య ప్రతాప్​ దర్శకత్వంలో ఈ చిత్రం రూపొందుతోంది. అల్లు అరవింద్​ సపర్పణలో బన్ని వాసు నిర్మాతగా వ్యవహరించనున్నాడు. మరి కొద్ది రోజుల్లోనే కథానాయిక, నటీనటులు, సాంకేతిక నిపుణుల వివరాలు వెల్లడించనున్నారు.

ఇవీ చూడండి.. నూతన కథానాయికతో నాగ్ రొమాన్స్..!