యువ నటులు స్టార్ హోదా సంపాదించడానికి ఇంకా కష్టపడాలని అన్నారు బాలీవుడ్ కండల వీరుడు సల్మాన్ఖాన్ (Salman Khan News). ఆయుష్‌ శర్మతో కలిసి ఆయన నటిస్తున్న చిత్రం 'అంతిమ్‌' (Salman Khan New Movie). ఇది ఈ నెల 25న థియేటర్లలో విడుదల కానుంది. ఈ సందర్భంగా సల్మాన్ఖాన్ విలేకరులతో ముచ్చటించారు.
"స్టార్ డమ్ ఊరికే రాదు. బాగా నటించిన మాత్రాన వస్తుందంటే కాదు.. దానికి చాలా శ్రమించాల్సి ఉంటుంది. వృత్తిగతంగా, వ్యక్తిగతంగానూ గట్టిగా ప్రయత్నించాలి. మిమ్మల్ని మీరు నిరూపించుకోవాలి. 40 ఏళ్లుగా నేను, షారుఖ్‌, అక్షయ్‌, అజయ్‌లు స్టార్స్‌ హోదాలో ఉన్నాం. దాన్ని అంత సులభంగా కొత్తతరానికి ఇవ్వం. వాళ్లే దాన్ని కష్టపడి సాధించాలి."
-సల్మాన్ ఖాన్, నటుడు
"ఎన్ని ఓటీటీలు వచ్చినా.. తాత్కాలికంగా థియేటర్లు తెరవకపోయినా.. హాల్లో అందరితో కలిసి సినిమా చూడటం అనే అనుభూతి మరెందులోనూ ఉండదు. అందుకే థియేటర్లు మళ్లీ కళకళలాడతాయి" అని అన్నారు సల్మాన్.