ఎన్టీఆర్‌, రామ్‌చరణ్‌ కథానాయకులుగా ప్రముఖ దర్శకుడు రాజమౌళి రూపొందిస్తున్న చిత్రం 'ఆర్ఆర్ఆర్'. దాదాపు రూ.400 కోట్ల భారీ బడ్జెట్‌తో డీవీవీ ఎంటర్‌టైన్‌మెంట్స్‌ ఎంతో ప్రతిష్ఠాత్మకంగా నిర్మిస్తోంది. ఈ చిత్రంలో సీత పాత్రలో బాలీవుడ్‌ కథానాయిక ఆలియా భట్ నటిస్తుంది. తాజాగా ఆమె పాత్ర గురించి దర్శకుడు రాజమౌళి ఓ ఆసక్తికర విషయాన్ని తెలియజేశారు.
'అందుకే ఆలియా భట్ను ఎంపిక చేశాం' - అందుకే ఆలియా భట్ను ఎంపిక చేశాం
'ఆర్ఆర్ఆర్' చిత్రాన్ని దర్శకుడు రాజమౌళి ప్రతిష్ఠాత్మకంగా తెరకెక్కిస్తున్నారు. తాజాగా ఈ చిత్రంలో ఓ కథానాయికగా ఆలియా భట్ను తీసుకోవడంపై ఆసక్తికర విషయాన్ని తెలిపారు రాజమౌళి. అదేంటంటే?
'అందుకే ఆలియా భట్ను ఎంపిక చేశాం'
"సీత పాత్ర చాలా అమాయకంగా కనిపిస్తూనే ఆమెలో అనేక రకాల భావోద్వేగాలు కలిగి ఉంటాయి. ఈ పాత్ర ఎన్టీఆర్‌, రామ్‌చరణ్‌ వంటి ప్రతిభావంతుల పాత్రలకు దీటుగా నిలబడే స్థాయిలో ఉండాలి. ఇంతటి ప్రధాన ఆకర్షణ కలిగిన పాత్రకు ఆలియా భట్ అయితేనే సరిపోతుందనిపించి ఆమెను తీసుకున్నాం. ఇది ముక్కోణపు ప్రేమకథ కాదు" అని స్పష్టతనిచ్చారు రాజమౌళి.
ఈ చిత్రంలో ఆలియాతో పాటు మరో కథానాయికగా బ్రిటీష్‌ నటి ఒలీవియా మోరిస్‌ను ఎంపిక చేశారు. అజయ్‌ దేవగణ్‌, సముద్రఖని తదితరులు కీలక పాత్రలు పోషిస్తున్నారు. వచ్చే ఏడాది సంక్రాంతి కానుకగా ప్రేక్షకుల ముందుకు రాబోతుంది.