ఎన్టీఆర్‌, రామ్ చరణ్ కాంబినేషన్లో.. దర్శకధీరుడు రాజమౌళి తెరకెక్కిస్తోన్న చిత్రం 'ఆర్ఆర్ఆర్'. ఈ సినిమాలో నటించే తారాగణంపై తాజాగా క్లారిటీ ఇచ్చింది చిత్రబృందం. ఇప్పటికే చిత్రీకరణ ప్రారంభమై ఏడాది పూర్తిచేసుకుంది. ఈ సందర్భంగా కీలకపాత్రలను ప్రకటించారు.
ఎవరీ ఒలివియా...
తారక్‌కు జోడీగా నటిస్తోంది ఒలివియా మోరిస్. 23 ఏళ్ల ఈ అందాల భామ ఇటీవలే లండన్లోని 'రాయల్ వెల్ష్ మ్యూజిక్ అండ్ డ్రామా' కాలేజీలో పట్టభద్రురాలైంది. కొన్నేళ్లు చిన్నారులకు నటనకు చెందిన పాఠాలు నేర్పించింది. చిన్నప్పటి నుంచి బామ్మ వద్దే పెరిగిన ఈ నటికి.. కళలు, థియేటర్, టీవీ, ఫిల్మ్ రంగాలంటే చాలా మక్కువ. ఒలివియా స్కూలు స్థాయిలోనే ఆర్ట్-ఏ లెవల్లో శిక్షణ పొంది మంచి పేరు తెచ్చుకుంది. ఈ నటికి రోల్ మోడల్ కేథరిన్ హెప్బర్న్. ఆమెను చూసి బాగా స్ఫూర్తి పొందినట్లు తన బ్లాగ్లో రాసుకొచ్చిందీ ముద్దుగుమ్మ.
అలిసన్ డూడి... 1985 జేమ్స్ బాండ్ చిత్రంలో ఈ అమ్మడు నటించింది. 'ఏ వ్యూ టూ ఏ కిల్', 'ఇండియానా జోన్స్ అండ్ ది లాస్ట్ క్రూసేడ్' చిత్రాల్లో మెరిసింది డూడి. తాజాగా ఆర్ఆర్ఆర్లో లేడీస్కాట్ అనే విలన్గా కనిపించనుంది.
రే స్టీవెన్సన్...
ఐరిష్ నటుడు రే స్టీవెన్సన్ ఈ సినిమాలో విలన్ పాత్ర పోషిస్తున్నాడు. స్కాట్ అనే పాత్రలో సందడి చేయనున్నాడు. ఇతడు పనిషర్, వార్ జోన్, థోర్, కిల్ ద ఐరిష్మ్యాన్ వంటి హాలీవుడ్ సినిమాల్లో సందడి చేశాడు.
ఈ చిత్రంలో రామ్చరణ్.. అల్లూరి సీతారామరాజుగా, ఎన్టీఆర్‌.. కొమురం భీమ్గా కనిపించనున్నారు. రామ్‌చరణ్‌కు జోడీగా ఆలియాభట్‌ నటిస్తోంది. ప్రస్తుతం రామోజీ ఫిల్మ్‌సిటీలోచిత్రీకరణజరుగుతోంది. ఈ విషయాన్ని ఇటీవల రామ్చరణ్ స్వయంగా అభిమానులతో పంచుకున్నాడు. డీవీవీ ఎంటర్‌టైన్‌మెంట్‌ పతాకంపై డీవీవీ దానయ్య ఈ సినిమాను నిర్మిస్తున్నారు. ఎం.ఎం.కీరవాణి స్వరాలు సమకూరుస్తున్నాడు. అజయ్‌ దేవగణ్‌, సముద్రఖని, రాహుల్‌ రామకృష్ణ తదితరులు కీలక పాత్రలు పోషిస్తున్నారు.
