కొడుకు వేసిన బొమ్మ చూసి మురిసిపోతున్న షారుక్

తన ముద్దుల తనయుడు అబ్రామ్ వేసిన ఓ డ్రాయింగ్​ చూసి మురిసిపోతున్నాడు హీరో షారుక్​ ఖాన్. ఆ ఆనందాన్ని ట్విట్టర్​లో పంచుకున్నాడు.

చిన్నారులు చిన్ని చిన్ని చేతులతో చేసే పనులు తల్లిదండ్రులకు ఆనందాన్నిస్తాయి. అలాంటి అనుభవమే హీరో షారుక్​ ఖాన్​కు ఎదురైంది. తన చిన్న కొడుకు అబ్రామ్ వేసిన ఓ స్కెచ్​ చూసి, ఆనందంతో మురిసిపోతున్నాడు. ఆ ఫొటోను ట్విట్టర్​లో పంచుకున్నాడు.

ఈ స్కెచ్​లో తన బొమ్మతో పాటు నాన్న షారుక్ బొమ్మను వేశాడు అబ్రామ్. హార్ట్​ గుర్తును అనుసంధానం చేసేలా గీశాడు. 'అబ్రామ్​ అండ్​ పాపా' అని ఆ కాగితంపై ఓ వ్యాఖ్యను జోడించాడు.

"నా కుమారుడు అబ్రామ్ వినయం, ప్రేరణ, విజయం నాకు ఎన్నో నేర్పాయి. డ్రాయింగ్‌లో నేను ఏ కారణం లేకుండా నవ్వుతున్నానంటా. అందుకే తన కంటే నేను బాగా కనిపిస్తున్నానని అబ్రామ్ చెప్పాడు"

- షారుక్​ ఖాన్​, బాలీవుడ్​ నటుడు

షారుక్-గౌరీ ఖాన్ దంపతులకు ముగ్గురు సంతానం. కూతురు సుహానా ఖాన్, కొడుకులు ఆర్యన్​ ఖాన్​, అబ్రామ్ ఖాన్ ఉన్నారు.

షారుక్.. 'జీరో' సినిమా తర్వాత మరో ప్రాజెక్టు అంగీకరించలేదు. ఇతడితో సినిమా చేస్తున్నారంటూ పలువురి దర్శకుల పేర్లు వినిపిస్తున్నప్పటికీ ఇంకా ఎవరూ ఖరారు కాలేదు.​

ఇదీ చదవండి:అందంతో అదరగొడుతున్న యాంకర్ మంజూష