బాలీవుడ్ బాద్షా షారుక్ ఖాన్ అభిమానులకు నిరాశ. ఆయన నటిస్తున్న 'పఠాన్' సినిమా ఈ ఏడాది విడుదల అవుతుందని అంతా అనుకున్నారు. కానీ ఈ చిత్రం 2022లోనే ప్రేక్షకుల ముందుకు రానుంది. ఈ విషయాన్ని ప్రముఖ సినీ విశ్లేషకుడు తరణ్ ఆదర్శ్ ట్వీట్ చేశారు. అయితే దీనిపై ఎటువంటి అధికారిక ప్రకటన రాలేదు. ప్రస్తుతం ఈ విషయం నెట్టింట్లో ట్రెండింగ్లో ఉంది.
ఈ చిత్రంలో దీపికా పదుకొణె కథానాయికగా నటిస్తోంది. రెడ్‌ చిల్లీస్‌ ఎంటర్‌టైన్మెంట్‌ నిర్మాణంలో రూపొందుతున్న చిత్రానికి యశ్‌ రాజ్‌ ఫిల్మ్స్ చిత్ర సహ భాగస్వామిగా వ్యవహరిస్తోంది. సినిమా షూటింగ్‌ గతేడాది నవంబరులోనే ప్రారంభమైంది. ఇందులో జాన్ అబ్రహం కూడా ఉన్నారు. హీరో సల్మాన్‌ఖాన్‌, హృతిక్‌ రోషన్‌ అతిథి పాత్రల్లో నటించనున్నారని సమాచారం. డింపుల్‌ కపాడియా కీలక పాత్రలో నటిస్తోంది.