శ్రీదేవి.. ఈ పేరునుప్రేక్షకులు అంత త్వరగా మర్చిపోలేరు. కొంటెగా నవ్వినా.. కోపంగా చూసినా, కుర్రకారును కవ్వించినా .. ప్రేక్షకులను కంటతడి పెట్టించినా ఆమే.. కడవరకు ఉండకుండా మధ్యలోనే కనిపించకుండా పోయిందా నటి. అతి సామాన్యురాలిగా జన్మించి అతిలోకసుందరిగా ఎదిగి ఆ పేరును సార్ధకం చేసుకున్న శ్రీదేవి జయంతి నేడు.
బాలనటిగా తెరంగేట్రం..
1963 ఆగస్టు 13న అయ్యప్పన్, రాజేశ్వరి దంపతులకు శివకాశిలో జన్మించింది. తుణైవాన్ అనే తమిళ చిత్రంతో బాలనటిగా తెరంగేట్రం చేసింది. తెలుగులో కృష్ణ, విజయ నిర్మల నటించిన మా నాన్న నిర్దోషి సినిమా బాలనటిగా ఆమె తొలి చిత్రం. జూలీ(1975) చిత్రంతో హిందీలో పరిచయమైంది.
కమల్తో 22 చిత్రాల్లో..
గాయత్రి అనే తమిళ సినిమా శ్రీదేవికి కథానాయికగా తొలిచిత్రం. తెలుగులో అనురాగాలుతో హీరోయిన్గా పరిచయమైంది. అగ్రకథానాయకులందరితోనూ పనిచేసిన అతిలోకసుందరి ఎక్కువగా రజనీ కాంత్(23), కమల్ హాసన్(22) సరసన నటించింది. కమల్ - శ్రీదేవిది హిట్ కాంబినేషన్. ఎన్టీఆర్, ఏఎన్ఆర్, కృష్ణ, శివాజీ గణేషన్, ఎమ్జీఆర్ లాంటి దిగ్గజాలతో నటించి మంచి పేరు తెచ్చుకుంది శ్రీదేవి.
తెలుగు సినిమాలే ఎక్కువ...
నటిగా పలు భాషల్లో నటించిన శ్రీదేవి తెలుగులోనే ఎక్కువ చిత్రాల్లో నటించింది. టాలీవుడ్లో 92 సినిమాల్లో పనిచేయగా.. హిందీలో 72, తమిళంలో 72, మలయాళంలో 25, కన్నడలో 6 చిత్రాల్లో నటించింది. దాదాపు 300 సినిమాల్లో కనిపించింది.
అవార్డులు..