షూటింగ్​ స్పాట్​లోకి దూసుకొచ్చిన బైక్- హీరోయిన్​ కాలు ఫ్రాక్చర్

Priyanka Sarkar Accident: బంగాలీ నటి ప్రియాంకా సర్కార్​ను ఓ ద్విచక్ర వాహనం ఢీ కొట్టింది. ఈ ఘటనలో ఆమె కాలు ఫ్రాక్చర్​ అయింది. ఈ ప్రమాదంలో ఆమెతోపాటు మరో బెంగాలీ నటుడు అర్జున్ చక్రవర్తికి సైతం స్వల్ప గాయాలయ్యాయి.

Priyanka Sarkar Accident: ద్విచక్రవాహనం ఢీకొట్టిన ఘటనలో బంగాలీ నటి ప్రియాంక సర్కార్​కు గాయాలయ్యాయి. ఆమె కాలు ఫ్రాక్చర్​ అయింది. ఈ ప్రమాదంలో ఆమెతోపాటు ఉన్న బెంగాలీ నటుడు అర్జున్ చక్రవర్తి కూడా గాయపడ్డాడు.

బెంగాలీ నటి ప్రియాంక సర్కార్

ఉత్తర కోల్​కతాలోని రాజర్​హత్ ప్రాంతంలో శుక్రవారం రాత్రి 11:30 గంటల సమయంలో ఓ వెబ్​సిరీస్ చిత్రీకరణ సమయంలో ఈ ప్రమాదం జరిగినట్లు అధికారులు తెలిపారు. ప్రమాదం జరిగిన వెంటనే ప్రాథమిక చికిత్స కోసం ప్రియాంకను స్థానిక ఆస్పత్రికి తరలించి, ఆ తర్వాత మెట్రోపాలిటన్ బైపాస్​లోని ఓ ప్రైవేట్ ఆస్పత్రికి తీసుకెళ్లినట్లు చెప్పారు.

ఆమెకు సర్జరీ అవసరమని వైద్యులు తెలిపినట్లు వివరించారు. చికిత్స అనంతరం అర్జున్ చక్రవర్తి డిశ్ఛార్జ్ అయినట్లు పేర్కొన్నారు. వేగంగా వచ్చి ఢీకొట్టి, పరారైన బైకర్​ కోసం గాలిస్తున్నట్లు తెలిపారు. అతడు మద్యం మత్తులో ఉన్నట్టు అనుమానిస్తున్నామని చెప్పారు.

తెలంగాణ బంగాలీ ఫిల్మ్ ఫెస్టివల్​లో భాగంగా.. 'నిర్భయ' చిత్రంలో ప్రియాంక నటనకు ఉత్తమ నటి అవార్డు దక్కింది. అనుసంధాన్​ చిత్రంలో ఆమె నటనకు విమర్శకుల ప్రశంసలు అందుకుంది.

ఇదీ చూడండి:పూర్తిగా కోలుకున్న కమల్​​.. ఆస్పత్రి నుంచి డిశ్చార్జ్