కొరటాల దర్శకత్వంలో మెగాస్టార్ చిరంజీవి కథానాయకునిగా తెరకెక్కుతున్న చిత్రం 'ఆచార్య'. భారీ అంచనాలతో రూపొందుతున్న ఈ చిత్రం దేవాలయాలు, నక్సలైట్ల నేపథ్య కథాంశంతో నడుస్తోంది. ఇప్పటికే వచ్చిన టీజర్, లుక్స్.. అభిమానుల్ని అలరిస్తూ అంచనాల్ని పెంచేస్తున్నాయి. చివరి షెడ్యూల్ను కూడా పూర్తి చేసింది చిత్ర బృందం. అయితే సినిమా విడుదల ఎప్పుడా? అని అభిమానులు ఎదురుచూస్తున్నారు.
అయితే.. దీనిపై ఓ స్పష్టత వచ్చే అవకాశముంది. ఈ వారంతంలో రిలీజ్ డేట్ను ప్రకటించనున్నట్లు ఊహాగానాలు జోరందుకున్నాయి. సినిమా ఈ ఏడాదే రిలీజ్ అవుతుందా? లేదా వచ్చే ఏడాదిలోనా? అన్నది తెలియాల్సి ఉంది.