Sonusood: సివిల్స్ అభ్యర్థుల కోసం స్కాలర్​షిప్​ ప్రోగ్రామ్

పేద సివిల్స్ అభ్యర్థులకు గుడ్​న్యూస్ చెప్పారు నటుడు సోనూసూద్(Sonusood). కుటుంబ ఆర్థిక స్థితి సరిగా లేక ఐఏఎస్, ఐపీఎస్​ కేడర్​లో ఉద్యోగాలు సంపాదించాలన్న కోరిక ఉన్నవారి కోసం ఉచిత స్కాలర్​షిప్ ప్రోగ్రామ్​ను ఏర్పాటు చేశారు. ఇందుకోసం సోనూసూద్ ఛారిటీ ఫౌండేషన్​లో దరఖాస్తు చేసుకోవాల్సి ఉంటుంది.

ప్రస్తుతం కాంపిటేటివ్ యుగంలో చాలా వ్యయంతో కూడుకున్నది సివిల్స్. ఎంతో మంది ఐఏ ఎస్, ఐపీఎస్ కావాలనుకున్నా.. వారి కుటుంబ ఆర్థిక స్తోమత అందుకు సహకరించకపోవచ్చు. దీంతో వారి ఆశయాన్ని పక్కనపెట్టవచ్చు. తాజాగా అలాంటి వారికి సాయం చేసేందుకు ముందుకొచ్చారు నటుడు సోనూసూద్(Sonusood). ఇప్పటికే కరోనా బాధితులతో పాటు వివిధ కార్యక్రమాలతో రియల్​ హీరోగా మారిన ఆయన తాజాగా సివిల్స్ అభ్యర్థులకు గుడ్​న్యూస్ చెప్పారు.

కుటుంబ ఆర్థిక స్థితి సరిగా లేక సివిల్స్​పై ఆశ ఉన్నవారి కోసం ప్రత్యేక స్కాలర్​షిప్ ప్రోగ్రామ్​ను ఏర్పాటు చేశారు సోనూసూద్. 'సంభవం' అనే ఉచిత స్కాలర్​షిప్ ప్రోగ్రామ్​ కోసం అభర్థులు దరఖాస్తు చేసుకోవాలని సూచించారు. ఈ ఉచిత స్కాలర్​షిప్​తో పాటు సివిల్స్​లో ఆన్​లైన్, ఆఫ్​లైన్ మార్గదర్శకత్వం పొందాలనుకునే వారు ఈ నెల 30 వరకు దరఖాస్తు చేసుకోవచ్చు. soodcharityfoundation.org ద్వారా అప్లికేషన్​ను పంపాలి.