లాక్డౌన్తో పలుచోట్ల చిక్కుకుపోయిన వలసకూలీలను వారి స్వస్థలాలకు చేర్చిన సోనూసూద్.. ప్రజల మనసులు గెల్చుకున్నారు. ఈ క్రమంలోనే ఆయనపై కొన్ని ఆరోపణలు వచ్చాయి. రాజకీయ ప్రయోజనాల కోసమే ఇలా చేస్తున్నారని కొందరు నేతలు అన్నారు. ఇటీవలే ఓ ఇంటర్వ్యూలో మాట్లాడిన సోనూ.. ఈ వ్యాఖ్యలపై తాను చింతించట్లేదని చెప్పారు. వాటి గురించి అసలు ఆలోచించట్లేదని తెలిపారు.
"నాపై ఆరోపణల్ని నేను పట్టించుకోను. ఎందుకంటే అలాంటి వాటిపై స్పందించే సమయంలో కూలీలకు సాయం చేసుకోవచ్చు. నాకు మాట్లాడటం కంటే చాలా ముఖ్యమైన పనులు ఉన్నాయి. మీరు మంచి చేయాలని చూసినా, భిన్నంగా ప్రయత్నించినా అందరి వేళ్లు మీవైపే ఉంటాయి. ఒకవేళ ఆరోపణలు చేసినా, అవి నాకు ఎక్కువ పనిచేసేలా బలాన్నిస్తాయి. ఇంకా ఇంకా చేసేలా ప్రోత్సహిస్తాయి" -సోనూసూద్, నటుడు