ఆ ఊరి నీటి సమస్య తీర్చిన సోనూసూద్

ఝాన్సీ గ్రామాన్ని వేధిస్తున్న నీటి సమస్యకు సోనూసూద్ పరిష్కారం చూపారు. చేతి పంపులు ఏర్పాటు చేసిన వీడియోను సోషల్ మీడియాలో పంచుకున్నారు.

లాక్​డౌన్​లో ఎందరికో సాయపడిన బాలీవుడ్​ ప్రముఖ నటుడు సోనూసూద్.. మరోసారి మంచి మనసు చాటుకున్నారు. ఉత్తరప్రదేశ్​లోని ఝాన్సీ గ్రామంలో ఎన్నో ఏళ్ల నుంచి వేధిస్తున్న నీటి సమస్యను తీర్చారు. అందుకు సంబంధించిన ఓ వీడియోను ట్వీట్ చేశారు.

"ఝాన్సీ గ్రామంలోని కొందరు వ్యక్తులు తమ ఊరిలోని నీటి సమస్య గురించి నాతో చెప్పారు. నీటి కోసం కిలోమీటర్ల దూరం వెళ్లాల్సి వస్తోందని, అందువల్ల పిల్లలు, కుటుంబాలు చాలా కష్టాలు పడుతున్నాయని నాతో చెప్పారు. దీంతో ఆ ఊరిలో చేతిపంపుల్ని ఏర్పాటు చేశాం. బోర్ వేస్తున్నప్పుడు ఉరి వాళ్లంతా అక్కడి నిల్చుని చాలా ఆసక్తితో దానిని చూశారు. ఆ విషయం నా మనసును చాలా హత్తుకుంది. ఏదో ఓ రోజు నేను కూడా ఆ పంపు నీళ్లు తాగేందుకు వెళ్తాను. నాకు కూడా అది చాలా ప్రత్యేకమే కదా!" అని సోనూసూద్ చెప్పారు.

ప్రస్తుతం తెలుగులో చిరంజీవి 'ఆచార్య', బాలీవుడ్​లో అక్షయ్ కుమార్ 'పృథ్వీరాజ్', 'కిసాన్' చిత్రాల్లో నటిస్తూ బిజీగా ఉన్నారు.