లాక్డౌన్ ప్రారంభం నుంచి వలసకూలీలు, పలు ప్రాంతాల్లో చిక్కుకున్న ప్రజలను వారి స్వస్థలాలకు చేర్చిన బాలీవుడ్ నటుడు సోనూసూద్.. ఎనలేని గుర్తింపు తెచ్చుకున్నాడు. ఇప్పుడు ముంబయి పోలీసులకు 25 వేల మాస్క్లు వితరణ చేశారు. ఈ విషయాన్ని ట్విట్టర్లో పంచుకున్న మహారాష్ట్ర హోంమంత్రి అనిల్ దేశ్ముఖ్.. సోనూకు కృతజ్ఞతలు చెప్పారు.
ప్రతిగా స్పందించిన సోనూ.. "మన నిజమైన హీరోలు పోలీసులు. వారు చేస్తున్న పనికి నేను చేస్తున్న చాలా చిన్న సహాయం ఇది. జైహింద్" అని రాసుకొచ్చారు.