బాలీవుడ్ హీరోయిన్ సోనాక్షి సిన్హా ప్రధాన పాత్రలో నటించిన చిత్రం ‘ఖాన్దానీ సఫాఖానా: సెక్స్‌ క్లినిక్‌’. ఇందులో బేబీ అనే యువతి పాత్రలో నటిస్తోంది. ఆమెకు ఓ బంధువు ద్వారా సెక్స్‌ క్లినిక్‌ వారసత్వ ఆస్తిగా వస్తుంది. అది అమ్మాలంటే ఆరు నెలలు స్వయంగా నడపాలన్న షరతు ఉంటుంది. సెక్సాలజిస్ట్‌గా రంగంలోకి దిగిన బేబీకి క్లినిక్‌కు వచ్చే వారి నుంచి ఎలాంటి అనుభవాలు ఎదురయ్యాయనేది ఈ చిత్ర కథ.
భారతీయ సమాజంలో లైంగిక విజ్ఞానం గురించి బహిరంగంగా మాట్లాడడానికి ఇష్టపడరు చాలామంది. ఈ విషయంపై సున్నిత హాస్యంతో ఈ చిత్రాన్ని రూపొందించారు. ఇటీవలే విడుదలైన ట్రైలర్ నవ్వులు పూయిస్తోంది. ప్రముఖ పాప్‌ గాయకుడు బాద్‌షా కీలక పాత్రలో నటించాడు. శిల్పి దాస్‌ గుప్తా దర్శకుడు. వచ్చే నెల 26న ప్రేక్షకుల ముందుకు రానుంది.