బాలీవుడ్ భామ సోనాక్షి సిన్హా, అక్షయ్ కుమార్ను కింద పడేసింది. 'దబాంగ్' నటి ఒంటిచేత్తో తోయగానే కింద పడ్డాడీ స్టార్హీరో. 'మిషన్ మంగళ్' ప్రచార కార్యక్రమాల్లో ఈ ఆసక్తికర సంఘటన జరిగింది.
ఒంటి చేత్తో అక్షయ్ను కింద పడేసిన సోనాక్షి!
బాలీవుడ్ కిలాడీ అక్షయ్ కుమార్ ప్రధాన పాత్రలో తెరకెక్కిన చిత్రం 'మిషన్ మంగళ్'. ఇస్రో శాస్త్రవేత్తలుగా విద్యా బాలన్‌, నిత్యా మీనన్‌, తాప్సీ, విద్యాబాలన్‌, సోనాక్షి సిన్హా, కృతి కుల్హరి నటించారు. ప్రస్తుతం సినిమా ప్రచారంలో బిజీగా ఉన్న ఈ బృందం... ఇటీవల ఓ చిట్చాట్లో పాల్గొంది. అయితే ఆ కార్యక్రమంలో హీరో అక్షయ్కుమార్ను ఒంటిచేత్తో కింద పడేసింది హీరోయిన్‌ సోనాక్షి సిన్హా.
ప్రచారం కోసమే సోనాక్షి ఈ ఫీట్ చేసిందా..!
సినిమాలోని నటీనటులు అక్షయ్ కుమార్ సహా నిత్యామీనన్‌, తాప్సీ, విద్యాబాలన్‌, కీర్తి కుల్హరి, సోనాక్షి సిన్హా అందరూ కూర్చొని ఉన్నారు. ఆ సమయంలో అక్షయ్ సినిమా విశేషాలు వివరిస్తూ కుర్చీతో పాటు వెనక్కి వాలాడు. అప్పుడు పక్కనే ఉన్న సోనాక్షి.. అతడి ఛాతిపై చేత్తో కొట్టింది. వెంటనే కుర్చీతో సహా వెనక్కి పడిపోయాడు కిలాడీ హీరో. ఈ ఘటనకు అందరూ ఒక్కసారి ఆశ్చర్యానికి గురయ్యారు. సోనాక్షి మాత్రం కావాలనే చేశానని పెద్దగా నవ్వింది. ఆ సమయంలో తీసిన వీడియోను ఆమె... తన ఇన్‌స్టాగ్రామ్‌లో పోస్ట్‌ చేసింది. ప్రస్తుతం ఇది వైరల్‌గా మారింది.
'మిషన్ మంగళ్' చిత్రానికి జగన్‌ శక్తి దర్శకుడు. ప్రముఖ శాస్త్రవేత్త రాకేష్‌ ధావన్‌ జీవితాధారంగా తెరకెక్కిన ఈ చిత్రం... ఆగస్టు 15న విడుదల కానుంది.