హాలీవుడ్​ సినిమాలో ఛాన్స్​ కొట్టేసిన శోభిత

'గూఢచారి' చిత్రంతో టాలీవుడ్​కు పరిచయమైన తెలుగమ్మాయి శోభిత ధూళిపాళ.. ఇప్పుడు హాలీవుడ్​లో అడుగుపెట్టింది. 'స్లమ్​డాగ్​ మిలియనీర్​' హీరో దేవ్​ పటేల్​ స్వీయ దర్శకత్వంలో రూపొందుతోన్న 'మంకీమ్యాన్​' అనే యాక్షన్​ థ్రిల్లర్​లో తాను నటించినున్నట్లు శోభిత వెల్లడించింది.

'గూఢచారి' చిత్రంతో తెలుగు ప్రేక్షకుల్ని మురిపించిన అచ్చ తెలుగు ముద్దుగుమ్మ శోభిత ధూళిపాళ. ఇటు దక్షిణాది, అటు ఉత్తరాదిలో వరుస సినిమాలతో జోరు చూపిస్తున్న ఈ భామ.. హాలీవుడ్‌లోనూ అడుగుపెట్టింది.

ఆమె త్వరలోనే 'మంకీమ్యాన్‌' అనే హాలీవుడ్‌ చిత్రంతో ప్రేక్షకుల్ని పలకరించనుంది. ఈ విషయాన్ని శోభిత అధికారికంగా ప్రకటించింది. 'స్లమ్‌డాగ్‌ మిలియనీర్‌' హీరో దేవ్‌ పటేల్‌ స్వీయ దర్శకత్వంలో తెరకెక్కించిన తొలి చిత్రమిది.

దీని గురించి శోభిత మాట్లాడుతూ.. "ఓ స్ఫూర్తిదాయక కథతో రూపొందిన చిత్రమిది. చక్కటి యాక్షన్‌ థ్రిల్లర్‌ కథాంశంతో రూపొందింది. నా పాత్ర చాలా సున్నితంగా ఉంటూనే.. భావోద్వేగభరితంగా కనిపిస్తుంది" అన్నారు.

ఇదీ చూడండి:'మంచి కథ దొరికితే రిస్క్​ తీసుకోక తప్పదు'