వయసు పెరిగినా.. జోరు తగ్గించని సల్మాన్​​!

స్విమ్మింగ్​ పూల్లో రివర్స్ డైవ్ చేసి అందరిని ఆశ్చర్యపరిచాడు బాలీవుడ్​ కండల వీరుడు సల్మాన్ ఖాన్​. 53 ఏళ్ల వయసులో సల్మాన్​ చేసిన ఫీట్​కు నెటిజన్లు ఫిదా అయిపోతున్నారు. ప్రస్తుతం ఈ వీడియో వైరల్ అవుతోంది.

సల్మాన్ ఖాన్.. జిమ్ చేస్తూనో, ఫిట్​నెస్ ఛాలెంజ్​లతోనో సామాజిక మాధ్యమాల్లో యాక్టీవ్​గా ఉంటాడు. తాజాగా మరో ఫీట్​తో అభిమానలను అలరించాడు. స్మిమ్మింగ్​పూల్లో రివర్స్ డైవ్ చేసి అందరిని ఆశ్చర్య పరిచాడు. 53 ఏళ్ల వయసులో పాతికేళ్ల కుర్రాడిలా నీళ్లలో దూకాడు.

పూల్​ పక్కన ఉన్న రాళ్లపైకి ఎక్కి మరీ దూకుతూ అలరించాడు కండల వీరుడు. ప్రస్తుతం ఈ వీడియో వైరల్ అవుతోంది. సల్మాన్ చేసిన ఫీట్​కు నెటిజన్లు ఫిదా అయిపోతున్నారు. 53 ఏళ్లా.. కాదు 25 అంటూ విశేషంగా స్పందిస్తున్నారు.

ప్రస్తుతం సల్మాన్ 'భారత్' సినిమా విజయాన్ని ఎంజాయ్ చేస్తున్నాడు. జూన్ 5న విడుదలైన ఈ చిత్రం 200 కోట్లకు పైగా వసూళ్లతో దూసుకుపోతోంది. ఈ చిత్రంలో కత్రినా కైఫ్, దిషా పటానీ కథానాయికలు. జాకీ ష్రాఫ్, సోనాలి కులకర్ణి కీలకపాత్రలు పోషించారు.