కమర్షియల్‌ హీరోగా తనకంటూ ప్రత్యేక గుర్తింపు సొంతం చేసుకున్న శివ కార్తికేయన్.. ఏకకాలంలో మూడు చిత్రాల్లో నటిస్తూ బిజీగా ఉన్నాడు. ఇప్పుడు 'కోలమావు కోకిల' ఫేమ్‌ నెల్సన్ దర్శకత్వంలో ఓ సినిమాకు గ్రీన్‌సిగ్నల్‌ ఇచ్చాడు. ఈ మూవీకి 'డాక్టర్‌' అని పేరు పెట్టారు. ఇందులో శివ వైద్యుడిగా నటించనున్నట్లు సమాచారం. కేజేఆర్‌ స్టూడియోస్‌ దీనిని నిర్మిస్తోంది. త్వరలోనే చిత్రీకరణ మొదలు కానుంది.
ఈ సినిమాలో 'గ్యాంగ్‌ లీడర్‌' ఫేమ్‌ ప్రియాంకా మోహన్ కథానాయిక. అనిరుధ్‌ సంగీతం సమకూర్చుతున్నాడు. ఇతర నటీనటులు, సాంకేతిక కళాకారుల ఎంపిక పనులు జరుగుతున్నాయి.