"సింగిల్ ఐయామ్ రెడీ టూ మింగిల్" అంటున్నాడు హీరో నితిన్. అతడు నటిస్తున్న భీష్మ సినిమాలోని తొలి పాటలోని ఓ వాక్యమిది. 'సింగిల్స్ ఏంథమ్'గా శుక్రవారం వచ్చిన ఈ గీతం.. ప్రస్తుతం సోషల్ మీడియాలో అలరిస్తోంది. ప్రేమించేందుకు ఏ అమ్మాయి దొరక్క, ఏకాకిగా ఉండిపోయిన సింగిల్స్ కష్టాలు ఎలా ఉంటాయో చెప్పుకుంటూ బాధపడుతున్నాడు నితిన్.
సింగిల్స్ కష్టాలు మరీ ఇలా ఉంటాయా!
'భీష్మ' సినిమాలోని 'సింగిల్స్ ఏంథమ్' లిరికల్ పాట విడుదలైంది. సింగిల్స్ కష్టాలు ఎలా ఉంటాయో ఇందులో కళ్లకు కట్టినట్లు చూపించారు. ఫిబ్రవరి 7న ప్రేక్షకుల ముందుకు రానుందీ చిత్రం.
'భీష్మ' సినిమాలోని 'సింగిల్స్ ఏంతమ్' లిరికల్
హై క్లాస్ నుంచి లో క్లాస్ దాకా నా క్రష్లే.. వందల్లో ఉన్నారులే.. ఒక్కరూ సెట్ అవ్వలే..
కిస్సింగ్ కోసం హగ్గింగ్ కోసం వెయింటిగ్లే.. పాపెనుకే జాగింగ్లే.. లైఫ్ అంతా బెగ్గింగ్లే..
ఎన్నాళ్లీలా ఒంటరి బతుకే నాకిలా.. బాయ్ ఫ్రెండ్లా మార్చదే నన్ను ఏ పిల్లా
ఏం చేసినా నా స్టేటస్ సింగిల్ మారలా.. నా వైపు ఇలా చూడదు ఏ సిండ్రెల్లా
ఓయ్ సింగిల్యే ఐయామ్ రెడీ టూ మింగిల్యే... అంటూ సాగుతున్న లిరిక్స్ సింగిల్స్తో పాటు మిగతా వారిని అలరిస్తున్నాయి.
ఈ సినిమాలో హీరోయిన్గా రష్మిక నటిస్తోంది. మహతి స్వరసాగర్ సంగీతమందిస్తున్నాడు. వెంకీ కుడుముల దర్శకత్వం వహిస్తున్నాడు. సితార ఎంటర్టైన్మెంట్స్ పతాకంపై వంశీ నిర్మాతగా వ్యవహరిస్తున్నారు. ఫిబ్రవరి 7న ప్రేక్షకుల ముందుకు రానుంది.