100 ఆక్సిజన్ పడకలు ఏర్పాటు చేసిన స్టార్ సింగర్

కరోనా పరిస్థితుల్లో ప్రాణవాయువు కొరతతో సతమతమవుతున్న వైరస్​ బాధితులను ఆదుకునేందుకు పాప్​ సింగర్​ స్మిత ముందుకొచ్చింది. పలు కొవిడ్​ సెంటర్లలో మొత్తంగా కలిపి 100 ఆక్సిజన్​ పడకలను ఏర్పాటు చేసింది. ఈ విషయాన్ని ట్వీట్​ చేసింది.

కరోనా సెకండ్​ వేవ్ ఉద్ధృతంగా విజృంభిస్తోంది. మహమ్మారి సోకిన వారిలో చాలామందికి ఆక్సిజన్ అందించాల్సి వస్తోంది. ఫలితంగా ప్రభుత్వ ప్రైవేటు ఆస్పత్రుల్లో పడకల కొరత వెంటాడుతోంది. ఈ నేపథ్యంలో పలువురు సెలబ్రిటీలు ఈ ఆక్సిజన్​ పడకలను ఏర్పాటు చేసేందుకు ముందుకొస్తున్నారు.

ఈ క్రమంలోనే పాప్​ సింగర్​ స్మిత​.. మంచి మనసు చాటుకున్నారు. గతంలో తాను స్థాపించిన ఏఎల్​ఏఐ సహా ఈఓ స్వచ్ఛంద సంస్థల ద్వారా పలు ప్రాంతాల్లోని కొవిడ్​ కేర్​ సెంటర్లకు 100 ఆక్సిజన్​ పడకలను ఏర్పాటు చేసే దిశగా కార్యక్రమం చేపట్టారు. ఇందుకు సంబంధించిన పనులు గత కొద్దిరోజులుగా జరుగుతున్నాయి. ఇప్పుడు వాటి ఏర్పాటు పూర్తయినట్లు, తాను అనుకున్న లక్ష్యం నెరవేరినట్లు వెల్లడిస్తూ, పడకలకు సంబంధించిన ఫొటోలను స్మిత ట్వీట్​ చేశారు. ఈ కార్యక్రమంలో భాగమైన ప్రతిఒక్కరికీ కృతజ్ఞతలు తెలిపారు.

ఇదీ చూడండి: పాప్ సింగర్ స్మిత దంపతులకు కరోనా పాజిటివ్