గుండెపోటుతో ఆకస్మికంగా మృతి చెందిన బాలీవుడ్ నటుడు సిద్దార్థ్ శుక్లా(40) అంత్యక్రియలు ముగిశాయి. ముంబయిలోని(Mumbai News) ఓషివారా శ్మశానవాటికలో ఈ క్రియలు జరిగాయి. అతడి కుటుంబ సభ్యులు, అభిమానులు.. సిద్దార్థ్కు కన్నీటి వీడ్కోలు పలికారు.
ఈ అంత్యక్రియల్లోనే పాల్గొన్న సిద్దార్థ్ ప్రేయసి షెహనాజ్ గిల్(Shehnaaz Gill) కండతడి పెట్టడం.. అక్కడున్న ప్రతి ఒక్కరినీ కలచివేసింది. ఆమె ఫొటో ఒకటి సోషల్ మీడియాలో తెగ వైరల్గా మారింది. కన్నీళ్లు పెట్టుకుంటున్న ఆ ఫొటోను చూసి సిద్ధార్థ్తో పాటు పలువురు అభిమానులు దుఖఃసాగరంలో మునిగిపోయారు.
అయితే గురువారం రాత్రి ముంబయి ఆస్పత్రిలో సిద్దార్థ్ మృతదేహానికి శవ పంచనామా నిర్వహించారు. శరీరం ఎలాంటి గాయాలు లేవని అతడి సన్నిహితులు చెబుతున్నారు. అయితే గుండెపోటుతో చనిపోయాడని కొందరు అంటుండగా.. అతడి మృతికి సరైన కారణం తెలియాల్సి ఉంది.
మోడల్గా కెరీర్ ప్రారంభించిన సిద్దార్థ్ శుక్లా.. 'బబుల్ కా అంగాన్ చోటే నా' సీరియల్తో నటుడిగా ఎంట్రీ ఇచ్చారు. ఆ తర్వాత పలు టీవీ సీరియల్స్లో కనిపించినప్పటికీ 'బాలికా వధు'తో(Balika Vadhu)(తెలుగులో చిన్నారి పెళ్లికూతురు) చాలా గుర్తింపు తెచుకున్నారు. 'బిగ్బాస్ 13'లో(bigg boss 13 winner) విజేతగా నిలిచి, సినిమాలతో పాటు వెబ్ సిరీస్ల్లోనూ అవకాశాలు దక్కించుకున్నారు. చివరగా 'బ్రోకెన్ బట్ బ్యూటిఫుల్ 3' షోలో కనిపించారు సిద్దార్థ్.
ఇవీ చదవండి:
