బాలీవుడ్ నటుడు సిద్ధార్థ్ మల్హోత్రా నటిస్తున్న స్పై థ్రిల్లర్‌ 'మిషన్ మజ్ను'. శంతన్‌ బాగ్చి దర్శకత్వం వహిస్తున్నారు. దక్షిణాది అందాల భామ రష్మిక తొలిసారిగా బాలీవుడ్ తెరపై ఈ సినిమాతోనే కనిపించనుంది. శనివారం ఈ చిత్ర షూటింగ్ లఖ్‌నవూలో ప్రారంభమైంది.
1970ల నాటి వాస్తవ సంఘటనల ఆధారంగా ఈ చిత్రాన్ని తెరకెక్కిస్తున్నారు. సిద్ధార్థ్ రా ఏజెంట్‌ మిషన్‌కు లీడర్గా నటించనున్నారు. రోనీ స్క్రూవాలా నిర్మిస్తున్నారు.
"అన్ని భాషల్లో ప్రేక్షకుల అభిమానాన్ని పొందడం నా అదృష్టంగా భావిస్తున్నా. ఓ నటిగా నేను అందరికీ చేరువయ్యే చిత్రం ఇది. సినిమాకు భాష ఎంత మాత్రం అవరోధం కాదు. 'మిషన్ మజ్ను'లో నటిస్తుండం చాలా ఆనందంగా ఉంది. చిత్రబృందానికి కృతజ్ఞతలు తెలుపుతున్నాను. ముఖ్యంగా ఈ చిత్రంతో బాలీవుడ్లో నా ప్రయాణాన్ని, కొత్త ప్రేక్షకులను పొందుతున్నందుకు నాకు చాలా సంతోషంగా ఉంది" అని రష్మిక గతంలో ఓ ఇంటర్వ్యూలో చెప్పింది.
ఇది చదవండి:బాలీవుడ్, హాలీవుడ్లోనూ నటిస్తా: రష్మిక