'ఎక్స్‌క్యూజ్​ మీ రాక్షసి' అంటోన్న సిద్ధార్థ్​

'బొమ్మరిల్లు', 'నువ్వొస్తానంటే నేనొద్దంటానా' వంటి చిత్రాలతో తెలుగు ప్రేక్షకులను మెప్పించిన హీరో సిద్ధార్థ్​. నటుడిగానే కాకుండా ఓయ్​, ఆట చిత్రాల్లో తన​ గాత్రంతోనూ అలరించాడు. ప్రస్తుతం మరో సినిమాలో 'ఎక్స్​క్యూజ్​ మీ రాక్షసి' అంటూ గొంతు సవరించాడు.

సందీప్ కిషన్, అన్యా సింగ్​ జంటగా నటిస్తోన్న సినిమా ‘నిను వీడని నీడను నేనే’. ఈ మూవీలో ‘ఎక్స్‌క్యూజ్ మీ రాక్షసి ...’ అనే పాటను సిద్ధార్థ్ పాడాడు. రికార్డింగ్ ఫొటోలను సామాజిక మాధ్యమాల్లో పంచుకుంది చిత్రబృందం.

సిద్ధార్థ్​, సందీప్ కిషన్

• ఈ సినిమాను కార్తీక్ రాజు దర్శకత్వంలో...'ఏకే ఎంటర్​టైన్మెంట్స్' పతాకంపై అనిల్ సుంకర నిర్మిస్తున్నారు. ఎస్.ఎస్. తమన్ సంగీతం సమకూర్చారు.

1. సిద్ధార్థ్ హీరోగా నటించి, నిర్మించిన తొలి సినిమా ‘లవ్ ఫెయిల్యూర్’. ఈ సినిమాలోనూ సందీప్ కిషన్ హీరోగా, నిర్మాతగా పరిచయం అవుతున్నాడు. రెండు చిత్రాలకు తానే సంగీత దర్శకుడు కావడం చాలా సంతోషంగా ఉంది అంటూ తమన్ మాట్లాడాడు. ఈ సాంగ్​ రికార్డింగ్​ పూర్తయింది. ప్రేక్షకులను ఆకట్టుకుంటుందని తమన్​ ఆశాభావం వ్యక్తం చేశాడు.