'బొమ్మరిల్లు', 'నువ్వొస్తానంటే నేనొద్దంటానా' వంటి ప్రేమకథా చిత్రాల్లో నటించి యువతలో మంచి క్రేజ్‌ ఏర్పరచుకున్నాడు సిద్ధార్థ్. అప్పుడప్పుడు తమిళ డబ్బింగ్‌ చిత్రాలతో తెలుగు ప్రేక్షకుల్ని పలకరిస్తున్న సిద్ధూ టాలీవుడ్‌కి దూరమై 8 సంవత్సరాలైంది. ప్రస్తుతం 'మహాసముద్రం' సినిమాతో పూర్వవైభవాన్ని అందుకునేందుకు సిద్ధమయ్యాడు. శర్వానంద్‌, సిద్ధార్థ్ కాంబినేషన్‌లో 'ఆర్‌ఎక్స్‌ 100' ఫేం అజయ్‌ భూపతి ఈ సినిమాని తెరకెక్కిస్తున్నారు. అసాధారణమైన పాత్రలతో భావోద్వేగభరిత కథగా రూపొందుతుంది.
ఇటీవలే లాంఛనంగా ప్రారంభమైన ఈ సినిమా రెగ్యులర్‌ షూటింగ్ డిసెంబరు 7 నుంచి మొదలైంది. ఈ సందర్భంగా డిసెంబర్ 8న చిత్రీకరణలో పాల్గొన్నాడు సిద్ధూ.