స్టార్ హీరోయిన్ శ్రుతిహాసన్ 'వకీల్సాబ్' కోసం వచ్చే నెల నుంచే కెమెరా ముందుకు వెళుతున్నట్టు చెప్పింది. పవన్‌కల్యాణ్‌ కథానాయకుడిగా నటిస్తున్న ఈ చిత్రంలో శ్రుతి కథానాయికగా నటిస్తోంది. 'పింక్‌' సినిమాకు రీమేక్‌గా రూపొందుతున్న చిత్రమిది.
'వకీల్సాబ్' కోసం వచ్చేస్తున్నా: శ్రుతిహాసన్ - శ్రుతిహాసన్ వార్తలు
'వకీల్సాబ్' చిత్రీకరణలో అడుగుపెట్టేందుకు తాను ఎంతో ఆసక్తిగా ఎదురుచూస్తున్నట్లు హీరోయిన్ శ్రుతిహాసన్ వెల్లడించింది. పవన్ కల్యాణ్ హీరోగా నటిస్తున్న ఈ చిత్రంలో మాతృకకు భిన్నంగా కథానాయిక పాత్రను సృష్టించినట్లు సమాచారం. ఆ పాత్రకు శ్రుతిని చిత్రబృందం ఎంపిక చేసిందని తెలుస్తోంది.
'వకీల్సాబ్ చిత్రీకరణలో పాల్గొనడానికి వస్తున్నా'
అయితే మాతృకకు భిన్నంగా ఇందులో ప్రధాన కథానాయిక పాత్రని సృష్టించినట్టు సమాచారం. ఆ పాత్రలోనే శ్రుతి నటించబోతోంది. అయితే అందులో ఎవరు నటిస్తారనేది ఇప్పటిదాకా అధికారికంగా బయటికి రాలేదు. ఎట్టకేలకు శ్రుతి ఇన్‌స్టాగ్రామ్‌లో అభిమానులతో ముచ్చటిస్తూ 'వకీల్సాబ్'లో నటిస్తున్న విషయాన్ని ఖరారు చేశారు. పవన్ కల్యాణ్‌తో కలిసి శ్రుతి నటిస్తున్న మూడో చిత్రమిది.
Last Updated : Nov 26, 2020, 11:48 AM IST