సల్మాన్​కు నో చెప్పిన శ్రద్ధా కపూర్​

బాలీవుడ్ బ్యూటీ శ్రద్ధా కపూర్​కు మొదటి చిత్రంలోనే సల్మాన్ ఖాన్ పక్కన నటించే అవకాశం వచ్చింది. కానీ ఆ సదవకాశాన్ని వదులుకుందట ఈ హీరోయిన్.

'సాహో'తో తెలుగు ప్రేక్షకులకూ దగ్గరైన బాలీవుడ్ నటి శ్రద్ధా కపూర్.. విభిన్న పాత్రలు, వరుస విజయాలతో దూసుకెళ్తోంది. అయితే ఈ భామకు మొదటి సినిమా ఆఫర్​ సల్మాన్​ నుంచే వచ్చింది. కానీ ఆ అవకాశాన్ని వదులుకుంది. చిన్నప్పటి నుంచి పాటలు, డ్యాన్స్​ల్లో ఈ హీరోయిన్​ దిట్ట. సంప్రదాయ సంగీతంలోనూ ప్రవేశముంది. నటన​ అంటే ఇష్టమున్నా ఇంట్లో ఏమంటారో అని బయటకు చెప్పేది కాదు.

పదహారేళ్ల వయసులో ఓసారి స్కూల్​ ఫంక్షన్​లో​ నాటకం వేస్తుండగా సల్మాన్​ చూసి నా పక్కన నటిస్తావా అని అడిగాడు. చదువు పూర్తి చేయాలన్న ఉద్దేశంతో ఆ అవకాశాన్ని వద్దనుకుంది. తర్వాత సైకాలజీ చదవడానికి అమెరికా వెళ్లి మధ్యలోనే వదిలేసి వచ్చి.. 'తీన్​పత్తి' సినిమాతో తెరంగేట్రం చేసింది. కారణమేదైనా చదువు మధ్యలో వదిలేయద్దంటోంది శ్రద్ధా. కాలేజీ రోజులు వ్యక్తిత్వాన్ని నిర్మించుకోవడానికి, ప్రపంచాన్ని అర్ధం చేసుకోవడానికి మంచి అవకాశంగా ఉంటాయని చెప్పింది.

ఇవీ చూడండి.. తన రికార్డు తానే తిరగరాసే పనిలో విక్రమ్