సాహో హీరోయిన్ శ్రద్ధాకపూర్ ప్రస్తుతం 'స్ట్రీట్ డ్యాన్సర్ త్రీడీ'లో నటిస్తోంది. సినిమా చిత్రీకరణలో భాగంగా డ్యాన్స్ చేస్తుండగా గాయపడిందీ కథానాయిక. ఆ వీడియోను తన ఇన్స్టాలో పంచుకుంది. మెడ, చీలమండకు గాయమైందని తెలిపింది. ఫిజియోథెరఫిస్ట్ వల్ల గాయాల నుంచి కోలుకున్నానని చెపుతూ అతడికి ధన్యవాదాలు తెలిపింది.
ఈ సినిమాలో వరుణ్ ధావన్ హీరోగా నటిస్తున్నాడు. డ్యాన్స్ నేపథ్య కథతో తెరకెక్కిస్తున్నారు. ప్రభుదేవా, నోరా ఫతేహి, అపర్శక్తి కర్ణా ఇతర పాత్రల్లో కనిపించనున్నారు. రెమో డిసౌజా దర్శకత్వం వహిస్తున్నాడు.