అద్భుతమైన భవిష్యత్తు కళ్ల ముందు పెట్టుకుని.. చిన్న వయసులోనే ఆత్మహత్య చేసుకున్న బాలీవుడ్ హీరో సుశాంత్ సింగ్ రాజ్పుత్. అతడికి ఖగోళ శాస్త్రం అంటే ఎంతో ఇష్టం. ఆస్ట్రో ఫిజిక్స్‌పై అనేక అధ్యయనాలూ చేశారు. విశ్వంలో ఉండే తారా మండలాన్ని చూసేందుకు అధునాతన టెలిస్కోప్ కూడా కొన్నారు. సుశాంత్ సన్నిహితులు చాలా మంది.. అతనికి నక్షత్రాలను చూడటం ఎంతో ఇష్టమని చెప్పేవారు. ఖగోళ శాస్త్రం గురించి అనేక విషయాలు చెప్పేవాడని తెలిపారు. అయితే, సుశాంత్ ఇష్టాలు తెలుసుకున్న రక్ష అనే అభిమాని.. అతడి పేరు మీద ఒక నక్షత్రాన్ని కొనుగోలు చేశాడు. ఆ స్టార్కు సుశాంత్ పేరు పెట్టినట్లు.. అందుకు సంబంధించిన రిజిస్ట్రేషన్ పత్రాన్ని ట్విట్టర్లో పోస్ట్ చేశాడు.
"సుశాంత్కు నక్షత్రాలంటే చాలా ఇష్టం. అందుకే, వాటిలో ఒక దానికి ఆయన పేరు పెట్టడం మంచిదనిపించింది. ఇకపై ఆ నక్షత్రం మరింత ప్రకాశవంతంగా మెరవాలి. ఈ విషయంలో ప్రతి ఒక్కరి కృతజ్ఞతను నేను అభినందిస్తున్నా. సుశాంత్పై నా ప్రేమ తెలిపేందుకు ఇదో చిన్న ప్రయత్నం మాత్రమే." అంటూ రక్ష ట్విట్టర్లో రాసుకొచ్చాడు.